Weriyaasha Nairobi oo ciyaar kubadda cagta ah ku xusay Sanad Guuradii 3 aad ee Horyaalmedia.com+SAWIRO
Aqrisatay:9441Weriyaasha Soomaaliyeed ee ku nool magaalada Nairobi ee caasimadda dalka Kenya ayaa shalay gelinkii dambe ciyaar kubadda cagta ah oo ay ugu dabaal dagayeen xuska sanad guuradii 3 aad ee ka soo wareegtay markii la aas aasay webseedka Horyaalmedia.com waxa ay ku qabteen garoonka kubadda cagta Khaliif oo ku yaalla xaafadda Islii ee magaalada Nairobi.
Ciyaarta ayaa dhexmartay koox ku ciyaaraysay magaca webseedka Horyaalmedia.com iyo koox kale oo iyana la yiraahdo walaalaha Nairobi.
Kooxda walaalaha Nairobi ayaa dar dar iyo waali la soo gashay garoonka, waxaana qeybtii hore ee ciyaarta u suuro gashay in ay dhaliyaan hal gool, hase yeeshee kooxdii ku ciyaaraysay magaca Horyaalmedia.com kama aysan waalin oo deganaantii lagu yaqiinay ayay u ciyaartay.
Lugtii dambe ee ciyaarta ayaa waxaa kooxda Horyaalmedia.com u suuro gashay in ay barbaro ka dhigaan ciyaarta, islamarkaana daqiiqadihii dambe ee ciyaarta ayaa mar kale waxa uu suurtowday in ay dhaliyaan goolkii ay badiska ee ciyaarta, taasi oo ka dhigan in ciyaarta ay ku soo idlaatay 2-1 oo ay guusha ku raacday kooxda Horyaalmedia.com.
Agaasimaha webseedka Horyaalmedia.com C/shakuur Faarax Cigale (Washington) oo la hadlay saxaafadda ayaa sheegay in uu ku faraxsanyahay xuska sanad guuradii 3-aad ee webseedkiisa, isagoo sheegay in ciyaarta sidoo kale lagu xasuusanayay allaha u naxariistee Weriye Maxamuud Cali Yare (Buneyste) oo sanadkii hore lagu dilay magaalada Muqdisho, kana kamid ahaa howlwadeenada webseedka Horyaalmedia.com.
Weriyaasha kala ah Ismaaciil Xaaji Shakeeti iyo Cumar Cabdi Xasan (Cumar Caaqil) oo labaduba u ciyaarayay kooxda Horyaalmedia ayaa xusay in ay ku faraxsanyihiin guusha ay ka gaareen ciyaarta, ayna soo dhaweenayaan xuska sanad guuradii 3-aad ee webseedka WWW.horyaalmedia.com.
W/D Cumar Cabdi Xasan (Cumar Caaqil)
Nairobi-Kenya
Tel: +254722494182
