Sunday, April 20th, 2014
Photo of Byron Bay - one of Australia's best beaches!

Layaab Mulkiile Telefishin oo Xaaskiisii Furay ka Dibna Tv-ga ka baahiyey

Aqrisatay:7341

sMulkiilaha warbaahinta madadaalada ee Melody ka kooban Telefishino, Raadiyaal iyo Internet-ka ayaa dhawaan sameeyey arrin aan horey loo maqal loona arag ka dib markii uu xaaskiisii inta furey ka shaaciyey Telefishinada faraha badan ee uu leeyahay.

Jamaal Marwan oo ah mulkiilaha Meldoy Tv Channels wuxuu taariikh cusub u dhigay warbaahinta  gaar ahaanTelefishinada dunida isagoo baahiyey in uu furey xaaskiisii Jihan oo hooyo u aheyd afar caruur ah oo uu dhaley iyadoo kan ugu yar uu dhashay bartamihii sanadkii hore sida Jamaal uu ku shaaciyey bogiisa Twitter-ka Internet-ka.

Furiinka uu ku kacay Jamaal Marwan waxaa lagu macneeyey in uu ahaa kii ugu damiirnimada xumaa isagoo xaaskiisii markii ay kala tageen, ka baahiyey Telefishinada ogeysiis ku sheegayo in uu furay xaaskiisi Jihan isla markaana uu siin doono hal pound oo lacagta wadanka Masar maalin kasta oo ay isla noolaayeen xaaskiisa oo ay is qabeen 14 sano taasi oo aan la aqoon waxa uu ula jeedo.

Wargalinta furiinka xaaska mulkiilaha Melody Tv laguma soo koobin in laga baahiyo Telefishinka, ee wuxuu amar ku bixiyey in lagu baahiyo barta You Tube-ka ee Melody, iyadoo loo sii daayey qaab ogeysiis ah oo lagu bilaabay “Bayaan deg deg ah”, waxaana lau soo darey muuqaalka qoraalkii maxkamada ee furiinka, iyadoo lagu soo bandigay dalqadaha furiinka magacyada Jamaal iyo waliba magaca buuxa xaaskiisa uu furay Jamaal.

“Lama yaabani sida Jamaal uu u sameeyey arinkan, laakiin waxana la yaabanahay sida Aabe uu ugu sameyn karo waxan oo kale ilmihiisa, waxaan rumeysanahay in uu leeyahay afar cauur ah oo ay u dhashay Jihan, oo kan ugu yar uu dhashay sanadkii hore” sidaasi waxaa yiri qof ka mid ah dadka ku dhaw qoyskiisa.

Furiinka Jamaal uu furay xaaskiisa oo dhacay 13-kii bishan December waxaa la sheegay in ay udub dhexaad u aheyd muran ka dhashay haweenay Fanaan ah oo Lubnaan u u dhalatey oo la sheegay inay wiil u dhashay, arintaasi oo uu beeniyey Jamaal.

Telefishinka MTV oo warbixin ka sameeyey furiinkan la yaabka leh ayaa tabiyey in Jamaal iyo xaaskiisa JIhan mudo muran ka dhex aloosnaa, isagoo maalmo ka hor furiinka u kicitimay wadanka Mareykanka, halkaasi uu ay ugu tagtey iyadoo a jiraanm warar sheegaya inay isku dayeysay sidii loo xalin lahaa khilaafka, balse arintaasi waxay ku soo biyo shubatey furiin laga baahiyey telefishinada ninkeedii Melody.

Jamal Marwan oo waxaa dhashay Mono C/naasir oo ah haweenay uu dhalay Madaxweynihii hore ee Masar Jamaal C/naasir, aabihiis Ashraf Marwan oo ahaa ganacsade billionaire ah ku dhintey magaalada London sanadkii 2007-dii, isagoo la sheegay in uu ka soo dhacay dabaqa afaraad ee Hotel-kii uu deganaa, wallow ay jiraan warar sheegaya in daabaqada qolkii uu deganaa laga soo tuuray sida ay muujiyeen baaritaano la sameeyey.

Ashraf Marwan wuxuu la taliyaha dhanka amaanka u ahaa madaxweynihii hore ee wadanka Masar Anwar Al-Sadaat.

Ashraf Marwan oo jirey 63 sano waxaa jira warar warbaahinta laga baaiyey oo sheegaya in uu ahaa Jaasuus Isra’il u shaqeyn jirey, inkastoo ay jiraan warar kale oo sheegaya in uu ahaa laba wajiile Isra’il iyo Masar sirdoonkooda ka tirsanaa.
gamal_ashraf_marwan4
Ashraf Marwan wuxuu la taliyaha dhanka amaanka u ahaa madaxweynihii hore ee wadanka Masar Anwar Al-Sadaat.

Jamal walaalkiis  wuxuu qabaa gabar uu dhaley xoghayaha guud ee Jaamacada Carabta Caamir Mussa.

 

 

 

Xafiiska Wararka Warbaahinta Horyaalmedia.com

Nairobi_Kenya

Horyaalmedia@live.com

Share
  • Leave a Reply

    Your email address will not be published. Required fields are marked *

    You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Barnaamijyada Horyaal Media