Magaca Alshabaab hadii aad maqasho waxaa kugu soo dhacaya dhaqan-xumada dareen-xumada sharfdarada ay dadkooda kula dhexnool yihiin Sidoo kale waxaa kugu soo dhacya dilka naxariis darada,fowdada,aragti-gaabnida ay kucaan baxeen ,waxaana intaas oo dhan kasdaran marka Ay shacbiga xukumayaan waxay labeegsadaan xukun midka ugu qalafsan oo ah dilka, gowraca, goo-goynta xubnahooda,intaas oo dhan ayaan Kudareensiinayaa akhristow si aad uga foojignaato inaad gacansiido xubnaha kooxda arxanlaawayaasha ah.

Waxaana xasuus mudan xiligii ladoortay Madaxweyne Hasan Sheekh Mohamud inuu kubaaqay in cidii gacansiida danbiilayaasha ay lamid tahay lagana qaadi doono talaabo sharciga waafaqsan.
Sidoo kale waxaan la inkiri karin inay jiraan saraakiil ku lug leh gacansiinta kooxaha Arxanlaawayaasha iyagoo umaraya wadada qabiilka.Waxaana markasta maqalnaa maxaabiis xabsiyada laga siidaayey iyo kuwo lagala baxay Intaba waxaana arintaas fududeeya shaqsiyaad aan damiir soomalinimo iyo wadaniyadeed midna lahayn.

Dhanka islaamka marka laga fiiriyo qofka cadowga kudhex fakiya bulshada wuxuu lamid yahay cadowgaas,waxaana munaasab ku ah in loola Dhaqmo si aan naxriis lahayn,mar hadii uu kudhiiraday inuu shacbiga kudhex daayo musiibadaas.
Akhristow waxaan kaloo rabaa marka laga Sootago saraakiisha,ciidan iyo shibilka ahba, waxaa kale oo jira xubno katirsan Baarlamaanka Soomaliya ee lagu sooxulay hab-beeledka welina Ushaqaynaya hab-beeleedkii lagu keenay kursiga kuwaas oo dhankooda gacan kagaysta sidii loosii daynlahaa maxaabiista kooxda alshabaab xiliyada lagu sooqab-qabto hawlgalka nabada lagu sugayo.

Waxaana jira xildhibaan arintaan ku caan baxay markastana soo daaya maxaabiista Alshabaab laga sooqabto ee Beeshiis ah. iyadoona xildhibaankaani lagu magacaabo dhagey geele ugaas waxa uuna beel ahaan ka soo jeedaa Beesha Maxamuud Hiraab” Duduble”
Sidoo kale dad badan oo xigto ee yihiin ayaa inoo xaqiijiyay in xildhibaan Dhagey Geele Ugaas arintaan uu u sameynayo arimo dhaqaale ee uu ka helo Kooxda Al Shabaab.
Ugu Danbey Raadinta xogaha kusabsan arimaahan ayaa waxaa isku hawlay weriyayaasha shabakada Horyaalmedia.com waxayna si hubaal ah uga soo dhexsaaren dhowr shaqsi oo arintaan lagu Bartay,kana dhigtay mehered dhaqale iyo sumacad raadis labadaba kahela, waxana aqristayaasheena idiin balan qaadeynaa in aan dhawaan idin soo gudbin doono cadeeyo iyo magacyo saraakiil ka tirsan Dowlada oo arintaan caado ka dhigtay.

Gool soo daahay uu dhaliyay Arjen Robben ayaa Bayern Munich ku hogaamiyay hanashada Champions League markii shanaad ka dib markii ay 2-1 kaga takhaluseen kooxda kale ee Jarmalka ee Borussia Dortmund ciyaar xiiso badneyd oo ka dhacday Wembley Stadium.

Dortmund ayaana ciyaarta ku bilaabatay si ka fiican dhigooda Bayern Munich, iyagoo helay fursadii ugu horeysay ee ciyaarta daqiiqadii 14aad markii Lewandowski uu kubad ku helay meel waxoogaa u jirta goolka islamarkaana kubad gantaal aheyn ku abaaray goolka Bayern laakiin Neur ayaa kooner u saaray.

Koonerkii la soo tuuray ayaana Dortmund ay sidoo kale fursad halis ah ku abuurtay iyadoo Neuer uu kubad ka badbaadiyay Kuba.

Daqiiqadii 19aad ayaa Dortmund ay heshay fursad kale oo halis ah, Reus ayaa kubad ka soo qaaday khadka dhexe isagoo si xor ah ku soo galay geesta xerada ganaaxa, waxaana darbo u dhiibay goolka Bayern laakiin waxaa si fantastik ah kaga badbaadiyay Neuer.

Kooxda midabka Jaalaha iyo madowga ku ciyaarta ayaa mar kale aheyd mid halis ku ah goolka Bayern daqiiqadii 22aad ee ciyaarta, Bender ayaa kubada ku helay xerada goolka dhexdeeda, waxaana kubada ka darbeeyay lugaha labo daafac oo Bayern dhexdooda ah, laakiin waxaa badbaadin fiican sameeyay Neuer.

Bayern Munich ayaa fursadeedii ugu horeysay ee ciyaarta ay soo martay daqiiqadii 27aad ee ciyaarta iyadoo Martinez oo helay karoos wacan uu madax ku abaaray goolka, goolka Weidenfeller ayaa faro cididood ku taabtay ka hor inta aysan birta kore ku dhicin islamarkaana banaanka u bixin.

Seddex daqiiqo ka dib ayaa Bayern waxaa fursad dahabi ah ka qasaariyay Robben kaasoo kubad dhex bixis fiican helay islamarkaana kubada la kortagay goolhaye Weidenfeller, laakiin goolhayaha Dortmund ayaa si rafaan ah uga bixiyay kubada, iyadoo Robben saaxabadiis ay ka caroodeen inuusan kubada iyaga u dhigin madaama ay goolka u furnaayeen.

Daqiiqadii 35aad ayaa Neuer mar kale sameeyay badbaadin cajiib ah, iyadoo Lewandowski uu ka baxsaday ciyaaryahankii raacayay islamarkana uu galay xerada goolka, waxaana uu u baahnaa inuu xagal adag ka toogto goolka laakiin waa uu dhaqsan waayay taasoo keentay inuu ka faa’ideysto goolhaye Neuer.

Isla daqiiqadii ku xigtay waxaa fursad isna helay Robben mar kale, waxaa kubad u dhiibay Muller isagoo ku jira xerada goolka, laakiin cadaadis kaga yimid Subotic kubada uu ka faa’ideysan waayay kaliyana waxa uu helay kooner, taasoo neef weyn ka soo fujisay taageerayaasha Dortmund.

Labo daqiiqo marka ay harsan tahay qeybta hore ayaa Robben uu mar kale qasaariyay fursad kale, waxaa kubad dheer oo loo soo dhigay uu kula dagaalamay Hummels isagoo markii danbe ku guuleystay inuu ku helo goolka hortiisa, laakiin darbadii uu la damacsanaa goolka waxa uu wajiga kaga dhuftay goolhaye Weidenfeller taaasoo kubada badbaadisay.

Qeybtii hore ee ciyaarta oo bilowgii ay heysatay Dortmund islamarkaana qeybihii danbe ay Bayern Munich la wareegtay ayaa lagu kala nastay barbaro goolal la’aan ah.

Qeybtii labaad ee ciyaarta ayaana ku bilaabatay si isku dheelitiran, iyadoo fursadii ugu fiicneyd ee ugu horeysay ay ku dhacday madaxa Mandzukic laakiin goolhayaha Dortmund ayaa si raaxo leh isagu duubay daqiiqadii 58aad ee ciyaarta.

Saacad markii ay u buuxsantay ciyaarta ayaana Bayern Munich ay u suurtogashay inay hogaanka u qabato ciyaarta, Ribery oo dhanka bidix ka soo galay xerada goolka ayaa kubad u dhigay Robben kaasoo isna kubad ka soo dhigay xariiqda bidix isagoo soo hormariyay goolka waxaana shabaqa ku taabtay Mandzukic oo diyaar u ahaa.

Waxaana ay taasi ciyaarta ka dhigtay inay Bayern Munich hogaanka ku qabato 1-0, islamarkaana ay aamusiyaan taageerayaasha Dortmund oo inta badan sawaxan ku heystay Wembley.

Mandzukic ayaana ciyaaryahankii labaad ee Croatia ah ee gool ka dhaliya final koob Europe ah. Boban ayaa gool u dhaliyay AC Milan 1995tii European Super Cup.

Daqiiqadii 69aad ayaana Dortmund ay u suurtogashay inay barbareyso ciyaarta markii Dante uu qalad xun diilinta ganaaxa dhexdeeda kula galay Reus taasoo keentay in garsooraha Talyaaniga uu tilmaamo rigoore.

Gundogan ayaa u soo istaagay gool ku laadka isagoo dhinac isaga diray Neuer islamarkana si habsami leh kubada ugu hubsaday shabaqa ciyaartana ka dhigay barbaro 1-1 ah.

Daqiiqadii 72aad ayaana Bayern ay u dhawaatay inay hogaanka ku soo laabato ka dib markii ay counter-attack fiican soo qaadeen, Thomas Muller ayaa kubad loogu dhiiba xerada ganaaxa dhexdeeda, waxaana uu soo dhigay baas qatar ah oo soo hareermaray goolhayaha Dortmund, Robben ayaa u dhawaa inuu shabaqa uun ku taabto laakiin Subotic ayaa kubada ka badbaadiyay xariiqda goosha oo banaanka u saaray.

Seddex daqiiqo ka dib Alaba ayaa meel 20 yard u jirta goolka ka soo tuuray kubad gantaal aheyd, laakiin waxaa u babacdhigay oo celiyay goolhaye Roman Weidenfeller.

Weidenfeller ayaa fursad kale oo halis aheyd ka badbaadiyay Schweinsteiger kaasoo kubad aad u xoogan afka hore ee xerada goolka ka tuuray.

Ciyaarta oo labo daqiiqo dhiman ayaana Bayern Munich ay heshay goolkii guusha taasoo gacanta u gelisay koobka Champions League, ka dib markii kubad dheer oo la soo dhigay uu Ribery cirib ugu dhigay Arjen Robben kaasoo isna dabamariyay goolhayaha Dortmund ciyaartana ka dhigtay 2-1.

Goolkaas uu dhaliyay xiddiga reer Holland ayaana Bayern Munich gacanta u gelisay koobka Champions League markii shanaad ee taariikhdooda, waxaana ay barbareeyeen kooxda seddexda ee ugu guulaha badan koobkaan Liverpool oo iyadana shan Champions League heysata.

Bayern Munich ayaana ka soo kabsatay labo final oo laga qaaday 2010 iyo 2012, waxaana ay si taariikhi ah ku qaadeen xilli ciyaareedkan koobka Champions League iyagoo ka qaaday kooxda sida lama filaanka ah ku timid Borussia Dortmund.

Waa koobkii labaad ee Bayern Munich ay qaado xilli ciyaareedkan ka dib Bundesliga, waxaana ay qaadi karaan seddexda koob madaama ay joogaan finalka German Cup.

Waxaa Qoray: Saed Mohamed Balaleti

Wariye Maxamed Maxamuud Dhoorre oo ka tirsan shaqaalaha BBC-da qeybta afka Soomaaliga, ahaana Reportekii ugu fir fircoonaa magaalada Muqdisho ayaa shaaca ka qaaday in uu dhowaan joojinayo howsha uu u hayo BBC-da.

Weriyaha ayaa Bogga xiriirka bulshada ee Facebook ku soo wadaagay in uu 1-da bisha soo socota ee June ku ekay siinayo shaqada BBC-da.

Si rasmi ah uma uusan sheegin sababta uu uga tagayo shaqadii BBC-da, sidoo kalana ma uusan muujin halka uu aadayo.

Laakiin weriye Dhoorre wuxuu ku nuux nuuxsaday in uusan ka bixi doonin saaxadda saxaafadda Soomaaliya, isla markaana codkiisa meel uun laga maqli doono.

Rag badan oo rug cadaa dhanka saxaafadda ah ayaa horey uga tagay laanta afka Soomaaliga ah ee BBC-da, iyadoo markii dambana dib loo maqlay. Codkooda

By- Cumar Cabdi Xassan “Caaqil”

cumarcaaqil@gmail.com
Tel: +254722494182

Safari gelinka dambe ee maanta Wasiiro ka tirsan Xukuumada iyo Saraakiil ciidan ay ku tagi lahaayeen magaalada Kismaayo ayaa dib u dhac ku yimid, kadib markii ay cirka isku shareertay xiisada ka jirta magaalada.

Wasiirka Gaashaandhiga Soomaaliya oo uu wehliyay Wasiirka Warfaafinta, Taliyaha ciidamada iyo saraakiil kale ayaa ka baaqday diyaarad ka qaadi laheyd garoonka diyaaradaha Aadan Cadde, iyadoo markii ay tageen lagu wargeliyay inay baaqdaan.

Wararka qaar ayaa sheegaya in wasiirada iyo saraakiisha loo diiday inay ka soo degaan Kismaayo, inta aysan ka soo ambabixin garoonka Muqdisho, iyadoo muddo Wasiiradan ku sugnaayeen garoonka diyaaradaha Aadan cadde ee magaalada Muqdisho.

Lama oga sababaha rasmiga ee dib u dhaca keenay, hase ahaatee arrintan ayaa u muuqata mid xiisada ka jirta Kismaayo ay hareysay ambabaxooda, iyadoo wali garoonka diyaaradaha Kismaayo uusan ka bixi karin Abaanduulaha Ciidamada xooga dalka Jen. C/risaaq Khaliif Cilmi.

Maamulka Axmed Madoobe ayaa ku hanjabay inuu iska difaaci doono cid walba oo weerar ku ah Jubaland, iyagoo ku eedeeyay wafdiga dowladda ee Xildhibaanada ah ay hurinayaan dagaalo, isla markaana ay doonayaan inay iska horkeenaan beelaha Gobolka.

Saraakiil ka tirsan Maamulka Axmed Madoobe oo maanta ka qeyb galay shir ka dhacay Kismaayo oo looga soo horjeeday siyaasada dowladda ee ku wajahan Jubooyinka ayaa si cad u sheegay inay la dagaalami doonaan cid kasta oo caqabad ku ah maamulka Jubaland.

Warar soo baxaya ayaa sheegaya in dareys milateri iyo hub la gaarsiiyay ciidamada dowladda ee ku sugan Kismaayo, kadib markii Abaanduulaha Ciidamada xooga dalka, iyadoo taasi ay dhalisay xiisad iyo dhaq dhaqaaqyo ciidan.

Qaar ka mid ah mudanayaashi baarlamaanka ee dhowaan gaaray Kismaayo ayaa sheegay in Ciidamada Kenya ay ku wargeliyeen in aanay ammaankooda sugi karin, hase ahaatee markii dambe ammaankooda la wareegeen ciidamada dowladda Soomaaliya.

Xaalad kacsanaan ah ayaa ka jirta magaalada Kismaayo, iyadoo maanta la xiray dhaq dhaqaaqa ganacsiga, isla markaana uu hakad galay gaadiidka, iyadoo magaalada lagu arkay ciidamo fara badan oo difaacyo ka sameystay magaalada.

Muranka ku saabsan maamulka Jubaland ayaa soo bilowday bartamihii bishan, iyadoo wixii ka dambeeyay ay isa soo tareysay xiisada ka taagneyd magaalada, markii dhowr madaxweynayaal lagu doortay magaalada, waxaana la ogeyn halka xaalada ku dambeyn doonto.

Agaasimihii hore ee Hay’ada Nabad sugida Somalia Axmed Macalin Fiqqi oo haatan ku sugan magaalada Muqdisho daraadna ka anbabaxay magaalada Nairobi ayaa waxaa saacadihii la soo dhaafay soo baxaya y warara sheegaya in la xanibay safaradiisa dibada.

Fiqi ayaa waxa uu haatan ku sugan yahay magaalada Muqdisho, waxaana la sheegay in safaradiisa ay yihiin kuwa iska caadi ah, ka dib markii ay wararkaan soo baxeen ayaa la sheegay in uu gaaray magaalada Muqdisho.
Sarkaal ka tirsan saraakiisha sida gaar ah ula shaqaysa Fiqi ooo goor dhawayd la hadlayay Bogan ayaa arintaas iska daadafeeyay, waxa uuna ku sheegay arintaas waxba kama jiraan dad gaar ah ay soo abaabuleen.
Waxa uu sheegay Sarkaalkaas in Fiqi uu daraad ka soo Duulay magaalada Nairobi uuna haatan ku sugan yahay magaalada Muqdisho, ayna jirin safaro laga Xanibay.
“ Fiqi waa sarkaal ka tirsanaa saraakiisha Dowlada, si wayna ula Dagaalamay shabaab, marka ma Jirto arintaas in Xanibaad la saaray, waxaana oran karaa arintaas waa wax lagu Qoslo, saxaafadana arintaas way ku dag dagtay”ayuu yiri Sarkaal ka tirsan Xafiiska axmed macalin Fiqi oo la hadlay Bogan.
Sidoo kale Fiqi ayaa ka mid ahaa saraakiishii Dowladii KMG waxa uuna iska casilay Xilkaas bishioi marso 24-keedii.
Waxa uu sheegay sarkaaalkani in aysan jirin sharci dhigaya in muwaadin Soomaali ah laga qaado xoriyada ama laga xanibo dhulkiisa in uu Yimaado, waxaana la yaableh in Idaacadaha ayaga oo aan cadayn hayn ay faafiyaan.
Sarkaalka ayaa sheegay in Fiqi lagu wado in uu kulamo kala duwan la yeesho madaxda Dowlada inta uu kuga jiro safaradiisa uu Muqdisho ku tagay.
Saacadihii la soo dhaafay ayaa waxay warbaahinta gaar ahaan web Qorayeen in xanibaad dhinaca safarka ah lagu soo rogay Fiqi, mana jiraan Warar arintaas ku aadan oo ah waxa loogu soo Rogay meesha looga soo Rogay.
Taliyihii hore ee nabadsugida Qaranka Fiqi ayaa usbuucyo ka hor waxa uu shir uga qeybgalay dalka Sudan, waxaana uu matalayay dalka Soomaaliya Ururada Siyaasadeed ee ka jira oo labo ka mid ah shirkaas lagu Casuumay.
Cabdixakiin Cilmi Xasan

Sida ay sheegayaan wararka ka imaanaya Magaalada Baydhabo ee Gobalka Baay qarax khasaaro geestay ayaa ka dhacay Magaaladaasi.

Wararka ayaa sheegaya in nooca qaraxa uu ahaa bambada gacanta laga tuuro oo askari kamid ah ciidanka Ethiopia ay ka dhacday iyadoo gaanjada ufurun kadib ay sidaasi ku qaraxday.

Dad shacab ah oo ku sugnaa goobta askariga Ethiopiyaanka bambada ugu dhacday ayaa waxaa la sheegay inay kasoo gaareen khasaaro dhaawac ah,waxaana tiradada dadka lagu sheegay inay gaarayaan 13-ruux oo dhamaantood dad shacab ah.

Wararka ayaa sheegaya in qaraxa uu ka dhacay Boosteejada Shabeelow oo gaadiidka Goof-gaduud aada ay ka baxaan magaalada Baydhabo.

Dadkii ku dhaawacmay qaraxaasi ayaa waxaa loola cararay isbitaalka guud ee Magaalada Baydhabo halkaasi oo xaaladooda caafimaad lagu dabiibayo.

Arrimaha jubooyinka waxey soo marayeen maraaxil kala duwan oo ku dhisan taxadar iyo kafiirsi labada dhinac ah, dowlada dhexe ee Soomaaliya waxey u dhaqmeysay qaab daganaansho ku jirto, sidoo kale maamulka kumeel gaarka ah ee Kismaayo wuxuu ku shaqeynayay si taxadar iyo feejignaan ku jirto, xaaladuna waxey laheed rajo wanaagsan in lees fahmo ilaa mar qura hawadii isbadashay, waaguna uu baryay Jubaland oo leh madaxweyne lagu doortay gacan taag eyna cidi la tartameynin, tallaabadaasi dadka taageersan Jubaland waxey u fahmeen guul soo hoyatay, halka dadka siyaasada indha-indheeya ey u arkayeen qar-iskatuur laga baxsan waayay, balse eysan ogeyn sababta dhabta ah ee keentay.

Maalmihii xigay waxaa soo ifbaxay arimo badan oo lagu fasiray sababta keentay qar-iskatuurka Kenya iyo xulufadeeda, dowlada Itoobiya oo markii hore aheyd safka Kenya ayaa mar qura isrogtay 180 degree, waxey af cad ku sheegtay in arimaha Jubooyinka looga dambeeyo dowlada Soomaaliya, intaa kuma ekeysanin ee hadal kasoo baxay wasaarada arimaha gudaha itoobiya ayaa canaan kulul iyo digniin loogu jeediyay madaxweynaha ismaamulka Soomaalida Itoobiya oo caadifad intey qaaday si aanan laga fiirsanin taageero dusha uga riday Axmed Madoobe iyo maamulkiisa, sidoo kale Norway oo lagu xamanayay in ey Kenya gadaal ka riixeyso damac shidaal oo ku jira awgeed ayaa af buuxa ku tiri “ ku taageeri meyno Kenya boobka dhulka Soomaaliya”.

Shirkii wasiirada arimaha dibada IGAD ee horudhaca u ahaa shir madaxeedka urur goboleedka IGAD ayaa waxaa kasoo baxay war-murtiyeed cadeeyay sababta keentay qar-iskatuurka Kenya iyo xulufadeeda Kismaayo, war murtiyeedka ayaa si cad loogu sheegay in “sharci darro” ey yihiin madaxweynayaasha tirada badan ee Kismaayo isku caleema saaray, waxeyna ku taliyeen in arimahaa looga dambeeyo dowlada Soomaaliya.

Su’aasha meesha kasoo baxday ayaa waxey tahay; Meeqa IGAD ayaa jirta? Axmed Madoobe wuxuu leeyahay IGAD ayaan taageera ka heestaa, halka IGAD ey leedahay kuma aqaano, arimaha sida ey u socdaan marki aad eegtid waxaa kuu soo baxaya in Kenya ey isku dayeysay marki hore in ey ku qaraabato magaca IGAD oo ey jeebka gashato, balse marki leesla shir tagay laga tira batay, IGADne ey go’aan cad qaadatay, sidaane Kenya iyo xulufadeeda ey banaanka kusoo dhaceen.

Waxaa muuqata in maamulka Kismaayo isku caleema saaray uusan laheyn mustaqbal Ifaya, kubadune waxey taallaa garoonka dowlada dhexe ee Soomaaliya, hadii ey ku guuleysatay kaambiyadi koobaad ee siyaasada ku wajahan Jubooyinka, waxaa laga dhursugayaa sida ey u wajahdo kaambiyada labaad oo ah in si cadaaladi ku jirto ey u maareeyso arimaha goboladaa cakiran, ilaahey ha waafajiyo wixi qeyr ugu jiro umadan Soomaaliyeed si guud ahaaneed, iyo walaalaha daga goboladaas si gaar ahaaneed.

Wabillaahi Towfiiq
W/Q: Dr. Axmed Xalaal
Caadle2@hotmail.com

Faysal Cali Waraabe oo ah gudoomiyha Xisbiga Mucaradka ah ee UCID kaa oo ka jira Deeganadda Maamulka Somaliland aya xili uu Waraysi siinayay Warbaahin lagu magacabo SBS oo kutala Wadanka Austrelia sacadana ku hadasha Afka Soomaaliga ayaa waxaa uu si kulul kaga hadlay Gooni isku taga Maamulka Soomaliland iyo Ddaka ku howlan sidii ay dib ay umideen lahayen Dowladda iyo mamulkaasi.

Cali Warabe ayaa waxa uu iskumid in ay yihiin ku tilmaamay Qofka Fidinaya Diinta Krishtanka ku Dhex fidinaya Islamka iyo qofka doonayo in uu dib u soo celiyo miidnimadda Soomaliya,waxa kaloona uu sheegay qofka ka soo jeeda Deegaanaddaa oo lagu arko isna in uu ka shaqenayo miidnimadda Soomaliya in la xiro islamarkana dil Togasho xetaa logu daro.

Gudoomiyha Xisbiga UCUD ayaa mar uu waydiiyay Wariyaha Waraysigani la yeshay oo u shaqwenayay Warbaahinta SBS ee ku tala Austarelia su aal ahayd Qatarta ka imaan karta Hadalkaasi uu ku hadlay ayaa waxa uu ku jawaabay.

Dowladda Federaalka ah ee Soomaaliya ayaa waxa ay Dadaal ugu jirtaa sidii ay Dib ugu soo celin lahayd Maamulka Soomaliland In uu ka mid noqdo Dowladda Soomaaliya dhawana waxaa lagu wadaa in uu dhaco kulan daba socda kulan ay Horay uwada Yesheen Madaxweynaha Jamhuuriyadda Soomaaliya Xasan Shikh Maxamuud iyo M/weynaha Maamulka Somalilnd kaasoo ka dhacay Magalo Xarumeedka Dalka Turkiga ee Ankara.

Madaxweynaha Maamulka Puntland C/raxmaan faroole ayaa eedayn u jeediyay Gudiga IGAD ee maalmo ka hor soo gaaray magaalada Muqdisho iyo Kismaayo.

Waxa uu ku tilmaamay faroole IGAD kuwa aan dhex dhexaad ahayn oo hal dhinac ah, waxa uuna sheegay in ay Dowlad Goboleedka maamulka Jubbaland State uu yahay Dowlad Goboleed jirta.
Waxa uu meesha ka saaray faroole in Dowlada Soomaaliya loo hoos tago Maamul Goboleedayada laga dhisayo Soomaaliya.
Waxa uu faroole ku tilmaamay Go’aamo aan la qaadan Karin Go’aamadii xalay ka soo baxaya shirkii maalinlaha ahaa ee IGAD ee ahaa in aysan waxba ka jirin Dowlad Goboleedyada looga dhawaaqay Kismaayo, balse hada kadib la dhiso Dowlad KMG shirna lagu qabto Kismaayo.
Cabdixakiin Cilmi Xasan

Hogaamiyaha Raaskanbooniyiinta Axmed Madoobe oo urur gobaleedka IGAD ay meel cad ka soo qaadeen halgan uu waayihii danbe weday ayaa waxa uu la hadlay idaacada BBC-da isaga oo sheegay in Kismayo ay colaad faraha la geleyso sababo laxariira waxa uu ugu yeeray fara gelinta dowaladu ku hesyo.

Axmed Madoobe ayaa yiri, “Dowlada Soomaaliya fara gelin xooggan ayeey ku heysaa deegaanka. Niman sheeganaya in ay madaxweynayaal yihiin oo iyadu ay qarashka ka dhiibeyso ayeey halkaan ku soo gurtay. Waan ognahay danta ay leedahay doladu. Waa colaad waxa ayna tahay mid lama huraan ah”.

Axmed Madoobe waligii kama dhawaajin in colaad ay ka dhici doonto Kismaayo, waxaana arintaasi dad badan oo wax ka qora arimaha laxariira jabhadeynta iyo xukun qora ku raadiska ay sheegeen in ay tahy mid uu uga jawaabayo go’aankii IGAD ee ahaa in dowlada Soomaaliya ay qabato shir ka dhaca Muqdisho oo leesugu keenayo dhinacyada Jubaland maamul kumeel gaar ahna la sameeyo iyada oo lahadal hayo in maamulkaasi dowladu aysan ku dari doonin Axmed Madoobe.

Urur gobaleedka IGAD ayaa waxa ay isla garteen in wixii ka dhacay Kismaayo ay ahaayeen wax hareer marsan dastuurka Soomaalida sidaa darteed aan cid aqoonsani jirin arintaas oo murugo ku reebtay dadkii ololeynta xoogan ugu jiray maamul uu hor boodayo Axmed Madoobe oo ka hana qaada deegaanada Jubaland.